قازىرگى ورنىڭىز:ولەڭدەرى » تولىق مازمۇن

شىڭگىلدىڭ باسى تۇيىق تاۋ

قوسىلعان ۋاقىت:2016-02-01كورىلىمى:加载中


1932 ـ جىلى (دۇڭگەن كوتەرىلىسى كەزىندە) شىڭگىلدىڭ سىرتقى مۇڭعۇليامەن شەگارالاساتىن جەرىندە قاقتىعىس تۋىلىپ قالادى. وسى سەبەپپەن شىڭگىلدەگى ەلدىڭ ءبىر بولەگىنە مۇقىر* ءتيىپ، كىسى ولتىرەدى. كەلەسى جىلىندا مۇڭعۇليادان تاعى ءبىر 

*مۇقىر دەپ شىڭگىلمەن شەگارالاس وڭىر مەڭزەلىپ وتىر.
ايروپلان شىعىپ، بەيعام اۋىلدى بومبىلاپ قىرعىندايدى. شىڭگىلدىڭ ەلى ۇركىپ كوكتوعايعا اۋادى.
1933 ـ جىلى جازدا كىسىسى ولگەن وسى اۋىلدارعا قۇران وقي بارعان اقىن ەلسدىڭ تالابىمەن وسى ولەڭدى جازىپ بەرگەن ەكەن.

شىڭگىڭدىڭ باسى تۇيىق تاۋ،
ەل مەكەندەپ تۇرىپتى ـ اۋ.
ەكى جاعى تىگىل، تار
ەلى از عانا سۇيىقتاۋ.
كوشى ـ قونى از جەردە
قايعىسى جوق بولسا ساۋ.
جەردەن ادىرا قالدىردى
وتكەن جىلدا مۇقىر جاۋ.
ايروپلان اسپانداپ
بولمادى پانا ۇلكەن تاۋ.
قۇتىلار مۇنان حال بار ما،
زامان قالاي، ياپىرىم ـ اۋ؟!

قۇتىلدىق امان ءبىر جىلشا،
مۇنان كەيىن تىنىش تۇرسا.
جان ساقتايىق اقىل قىپ،
حالايىق سوزگە جۇمىلسا.
قۇتىلىپ قايدا كەتەسىڭ
تارىلىق زامان قۋىرسا!؟
تۇيىقتا جاتقان قازاق جۇرت
ءىن ساقتاعان سۋىرشا.
بارىنەن جۇدا قالدىرعان
تالاپسىز كۇتكەن «بۇيىرسا».
بەرەكە قىلىپ بارلىق ەل
بولار ەد بىردەي جيىلسا.

ونەر، عىلىم، قىل تالاپ،
جاۋ كەلدى سىرتىڭ قورشالاپ.
ارماندا عاپىل قالاسىڭ
بولما جاستار تىم سالاق.
دۇنيەنىڭ بىلسەڭ ءبىلىمىن،
ازباي، توزباي ءجۇرۋىڭ.
جەكە دۇنيە دەمەي ـ اق
ءبىلىڭىز دۇنيە عىلىمىن.

ۇيرەنسەڭ، قىلساڭ بەرەكە،
بولمايسىڭ جاۋعا كەلەكە.
تىنىشتىق كەرەك ءارقاشان
جاۋعا دا قىلما ارەكە.


评论加载中...

copyright © 2016 苏ICP备15062819号-1

哈萨克族伟大的思想家、阿肯-阿合提.乌鲁木基的网站 Tel:18792514428