قازىرگى ورنىڭىز:ولەڭدەرى » تولىق مازمۇن

بارىپ قايىتتىم ءبيسان تاۋ

قوسىلعان ۋاقىت:2016-02-01كورىلىمى:加载中

بارىپ قايىتتىم ءبيسان① تاۋ
شارشاعىش شال بولعان شاۋ.
ويدا، قىردا جۇرسەم دە
كورە المادىم دەنى ساۋ.
ادام پاندە قور بولماس
عىلىم بىلسە ياپىرماۋ.

كوشى ـــ قون ەلگە نە كەرەك،
ءتۇبىن ويلا شىن زەرەك.
بەرەكەگە باس بولساڭ
سانايدى سەنى كىم بولەك.

كەيكيىپ كەيىن تارتىلما،
ءار نارسەگە شاتىلما،
ادىرايىپ، وسقىرىپ
تارپاڭسىما اقىلعا،
كەلگەنىڭ ابزال ماقۇلعا
كوندىرەر ۇكىم جەلكەلەپ.

اڭدىپ اياق باسپاساڭ،
ءىسىڭ كەتەر وڭ بولماي.
وراق مىنەز اتا كۇش
قالدى مىنە قول بولماي.

اقىن بۇل ولەڭىن 1938 ـ جىلى ءور التاي مەن موري، باركول جەرلەرىنەن گانسۋ ـ چيڭحاي، شيزاڭ جەرلەرىنە اۋا كوشكەن ەل باسىلارىن توقتاتۋعا بارىپ جازعان.
تۇيىققا تىرەپ حالىقتى
ايىتقىزبا تاعى ەلگە ويباي.
شۋىلداتىپ ەلىڭدى
قايتار ەندى جەم بولماي.

جاتىق مىنەز جايدارى،
سىرتىڭ بولسا ايبارلى.
قياناتسىز، قيتىقسىز
اقىلىڭ بولسا پايدالى.

ەر بولساڭ ەرمە وسەككە،
بوي قوسپا نادان كەسەككە.
بايانى قالاي دوسىڭنىڭ
ءتۇپ نەگىزىن ەسەپتە.
ءار نارسە تارتار تەگىنە،
قانشا پالەن دەسەك تە.

ونان سوڭ ساقتان ۇرلىقتان،
بىرەۋگە قىلار زورلىقتان.
بارىمتا، عايبات، قيانات...
جۇرىڭدەر اۋلاق سۇمدىقتان.
ومىردەن تابار بەرەكە
ءامىرىن حاقتىڭ تىڭداعان.
جاماندىقتان پاك بولىپ
ءوزىن مىقتاپ شىڭداعان.

ءناپسى شايتان ەگىز عوي،
قوسپاڭىزدار وعان بوي.
تازا بولۋ بۇلاردان
اۋليەلىك نەگىز عوي.
اقىل مەن عىلىم بىرىكسە
تاۋسىلمايتىن تەڭىز عوي.

اعايىن تۋعان جاماعات،
ايتارىم بار تاعى دا ــ اي.
كەتىرمە ەلدىڭ ۇيتقىسىن
تاۋىققا شاشقان تارىداي.
ونسىزدا قازاق ەلىنىڭ
كەلەدى سورى ارىلماي.
قاشان دا وپىق جەرىڭ سول
دوس پەن جاۋدى ايىرماي.
كەتىرمە ەلدىڭ تىنىشىن
تۇيەنىڭ قومى، ات جالىندا ـ اي.
ارانداماي قالمايسىڭ
اتىڭنى باسىن قايىرماي.

وسىنى ۇقساڭ، جىگىتتەر،
تەڭ قۇربىڭنان اسقانىڭ.
ماسقارا ۇيات تاعارسىڭ،
قيسىق جولعا باسقانىڭ.
كوپتى كورگەن كاريا،
كوبىڭە اقىل شاشقانىم.
جەتپىسكە كەلگەن كەزىمدە
بۇلىڭعىر تارتتى اسپانىم.
اتا مەكەن قونىستان
قايدا ـ قايدا قاشقانىڭ.
اتا ـ باباڭ ارۋاعىن
ارتىڭا نەگە تاستادىڭ؟!
ءتىلىمدى الساڭ تىرناما
قازانىڭنىڭ قاسپاعىن.
ۇكىمەت قۇرسا ءادىل تەز
عادىلەتتى تاپپاعىڭ.

عادىلدىك بولسا قاي جاندا
سونى بەكەم جاقتاعىن.
ارامزاعا الدانباي
ابىرويدى ساقتاعىن.
ەل تىلەگىن ۇمىتپا،
ءۇمىت كۇتكەن، جاستارىم!
قارا مەكەن قونىسقا 
قايىرىپ ەلدى باستاعىن.

1938 ـ جىل


评论加载中...

copyright © 2016 苏ICP备15062819号-1

哈萨克族伟大的思想家、阿肯-阿合提.乌鲁木基的网站 Tel:18792514428