قازىرگى ورنىڭىز:ولەڭدەرى » تولىق مازمۇن

جەڭىسقاننىڭ ۇيىندە

قوسىلعان ۋاقىت:2016-02-01كورىلىمى:加载中

جەڭىسقاننىڭ ۇيىندە①

وشاقتى مەن سارشوقى، ءبيسان ءۇش تاۋ،
جەر ەكەن ءارى جايلاۋ، ءارى قىستاۋ.
قونىسى ءتورت ماۋسىمنىڭ تابىلعان سوڭ
مۇمكىن بە كوشپەندى ەلگە مۇنى تاستاۋ.

جايلاۋ جاقىن، ال قىستاۋ بولسا تىنىشتى،
ەكەۋى ءتورت ماۋسىمنىڭ انىق كۇشتى.

① بۇل 1938 ـ جىلى التايدان اۋا كوشكەن ەلدى توقتاتۋعا بارعاندا جازىلعان ءناسيحات ولەڭ. جەڭىسقان ـــ اۋعان ەلدىڭ ءبىر زاڭگىسى.
جاراسار كوشپەندى ەلدىڭ مىنەزىنە
تەكسەرۋ كورگەندەردىڭ① زارەسى ۇشتى.

بايقاسام قونىس ەكەن مال باققانعا،
قونىستىڭ بەت الدى بار ءار جاقتان دا.
ەرتە ـ كەش قاتىناستىم حابارلاسىپ
مىنەزى ۇكىمەتكە بەك جاققانعا.

جاقىن بول ۇكىمەتكە مەكەندەسەڭ،
الدىڭدا ايروپلان كەتەم دەسەڭ.
مەدرەسە، مەشىت، مەكتەپ التايدا بار
قۇلشىلىق، جانعا راحات ەتەم دەسەڭ.

سەندەلگەن تۇراقتاماي قازاق حالقى،
جۇرەتىن ءوز كوڭىلىمەن ەسكى سالتى.
مىنەزبەن قىلجاقتاعان قىرىپ ـ جويىپ
سوعادى ـ اۋ ساياساتقا سونىڭ ارتى.

ءتۇزۋ بول قىلجاقتاعان، باۋىرلارىم،
جاقىن جۇرت ــ قازاق حالقى اۋىلدارىم.
ايعىرى ۇكىمەتتىڭ ارقاڭدى الىپ
قالماسىن جاۋىر بولىپ ساۋىرلارىڭ.

ءناسيحات ۇققاندارعا اقىل ءسوزىم،
ءجۇر دەگەن زيان كورمەي جاقىن ءسوزىم.

①تەكسەرۋ كورگەندەر دەپ ەلدى باستاپ كوشكەندەردى ۇكىمەت جاقتىڭ تەكسەرگەنى ايتىلىپ وتىر.
ىسىنەن دۇنيە زيان ساقتان دەسەم
كەتەمە تەرىس بولىپ ماقۇل ءسوزىم.
سىرىن ۇق سىرتىن كورمەي، شىراقتارىم،
كورەدى اركىم جەڭسىك اقىل ءسوزىن.
بەرەكە بىرلىكپەنەن حارەكەت قىل
دەپ ايىتقان كوپ ەدى عوي ناقىل ءسوزىم.

تابيعات، ادەبيەت ۇيرەنە بەر،
شاماڭ كەلسە جاماننان جيرەنە بەر.
ءىسىڭدى دۇنيە اقىرەت تۇزەپ الىپ
حالىققا تاعىلىم جايىپ شىرەنە بەر.

حالىققا اقىل ءسوزىم اقىت پاقىر،
از كەرەي ءار تاراپتا شەتتە جاتىر.
قۇدايىم پاتشالارعا توقتاۋ بەرسىن
بولماسىن ءبۇيتىپ ءجۇرىپ زاماناقىر.

جيىرما جەتى بولدى ميڭگو جىلى،
از جىلدا زامان بولدى ـ اۋ نەشە قيلى.
اق جۇرەك، اق نيەتپەن جان ساقتا دەپ
حالىققا ۇلگى ەتىپ ايتتىم مۇنى.

بۇيرىقسىز ءبىر اللادان شىبىن شاقپاس،
الادى اجال كەلسە ءبىر ـ اق كۇنى.
ءار نارسە بۇيرىقپەنەن ءىس قىلادى
تىلەيمىن بەرەكەڭدى ۇزاققا ۇلگى.

1938 ـ جىل


评论加载中...

copyright © 2016 苏ICP备15062819号-1

哈萨克族伟大的思想家、阿肯-阿合提.乌鲁木基的网站 Tel:18792514428